मेरो आधा संसारलाइ सजाऊछु भनेकी थ्यौ
हजूरकै छातीभित्र अटाउछु भनेकी थ्यौ ।
अधुरो छ कथा मेरो अँध्यारो छ घरपनि
मायाका दीपहरु जलाउछु भनेकी थ्यौ ।
वाचा मिठो गरेकी थ्यौ, सधै सधै साथ दिने
वहकिन खोजे भने सम्झाउछु भनेकी थ्यौ ।
छाया जस्तै हासो खुसी , कति दुखी यो समय
तर दुःख पर्दा पनि रमाउछु भनेकी थ्यौ ।
उस्तै छौ कि वद्लियौ, सम्झन्छौ कि बिर्सीसक्यौ
कृसुलाइ सधै आफ्नो बनाउछु भनेकी थ्यौ ।
कृष्ण थापा
मध्यपूर्व इजरायल
शव्द र रंगहरुसंग खेल्ने मेरो स्वभाव नै मेरो ब्लगको आधार हो ।मेरो देश नेपाल,नेपाली साहित्य,संस्कृतिप्रति मेरो अगाध प्रेम छ र त्यो प्रेमको रंग प्रवासमा रहँदा अझ गाढा भएको महशुश हुदोरहेछ त्यसैले यदाकदा प्रेमका यिनै रंगहरुसंग बिम्बहरुसंग मोहित भैरहँदा मनमा अनेकौं भावना र विचार हरु तरंगित हुन्छन - रातको अन्तिम प्रहरमा अँध्यारोको सघन कुहिरोबाट विहानको खोजीमा प्रतिक्षारत व्यग्र पलहरु जस्तै म आफै भित्र व्याकुल हुन्छु र यसरी पोखिन्छु यहाँ.....
कृष्णपक्ष, उज्यालोको खोजीमा ।
KRISHNA THAPA
Ad zahav
Levensky-138, Tel Aviv Israel
cell - 0542036492
email- ekrishna@writeme.com
kriskaleho@gmail.com
http://www.adzahav.co.cc
Copyright 2009 - ☽कृष्णपक्ष☆. All Rights Reserved.
Design origionallyCamelGraph
मायाको मीठो अपेक्षा भरेर गजल नै रसिलो बनाउनुभएछ । के गर्नु यस्तै त होला माया भन्ने चिज, पर्खदापर्खदै बूढो भइने, नहेर्दा पनि धेरै कुरा देखिने । हराएको मायाबारे पोखिएको मार्मिक भाव पाएँ मैले ।
तपाईँको ब्लगमा पहिलो पाइला राखेँ आज कृष्णजी । नयाँपन पक्कै छ । तर मैले भने अक्षर ज्यादै मसिनो देखेँ । निरन्तरताको कामना !
धाईबाजीलाइ प्रतिक्रियाको लागि धेरै धेरै धन्यवाद !
म मेरो ग़ज़ल लेखनको प्रारम्भिक चरणमा छु लेख्दै गरुला, हो दोश्रो साइड बार र कमेन्ट का अक्षर हरु साह्रै नै साना छन, एकपटक मिलाउने कोशिश गर्दा ले आउट नै भत्कियो, फेरी पनि कोशिश जारी छ, तब सम्म यस्तै नै है त ?